مكتبة كلية الدراسات الأفريقية العليا بجامعة القاهرة كامله - EDUEgypt
كنز بحثي عُثر عليه اليوم..
المسؤولين في مكتبة كلية الدراسات الأفريقية العليا بجامعة القاهرة، عاملين ملف محترم على جوجل درايف، يعتبر كنز كبير جدا لكل باحث في أي مجال، ولا سيما الشؤون الأفريقية.
الكنز عبارة عن فولدر مقسم إلى:
1- فولدر عبقري اسمه كتب ورسائل قابلة للتحميل، دة تفتحه وتحمله من غير تفكير. وبالذات ملف اسمه (مصادر البحث)، فيه قوائم لاتحاد مكتبات الجامعات المصرية ، والمكتبة المركزية في جامعة القاهرة، وجميع الرسائل التي تم مناقشتها في كل الكليات بجامعة القاهرة، ومكتبة جامعة نايف، و التقيل بقى اللي بين السطور ومش باين (DART Europe E-theses Portal) ودي بوابة فيها ما يزيد عن 715 ألف رسالة جامعية من 600 جامعة في العالم. بالاضافة ل (African Journals Online)، ودي فيها كل الدوريات المحكمة في كل أفريقيا. وكنوز كتير جدا في الملف دة عن كل العلوم وكل التخصصات. دة شوية وقعت عيني عليهم. والجميل ان معظمهم قابلين للتحميل.
أضف إلى ذلك ملف اسمه (فيديوهات تهمك) فيه فيديوهات عن طرق كتابة الأبحاث العليمة من أول ما تختار الموضوع إلى أن تنشره.
استنى بس، فيه ملف اسمه المستودعات الرقمية للأبحاث في الوطن العربي، فيه محتويات كاملة لمكتبات الوطن العربي الكبرى كلها تقريبا.
2- المجلات والدوريات العلمية في كل المجالات: ادخل وشوف بنفسك آلاف اللينكات الموجودة للمجلات والدوريات العربية والأجنبية (أه في كل المجالات والله).
3- فهارس الندوات+ فهارس المؤتمرات العليمة: ودة عبارة عن الفهارس وقوائم المحتويات للندوات والمؤتمرات العلمية المسجلة في كتب، وموجودة في مكتبة كلية الدراسات الأفريقية العليا بجامعية القاهرة.
4- فهارس التقارير: ودة عبارة عن فهارس التقارير السنوية الكبرى زي ( التقرير الاستراتيجي العربي - التقرير الاستراتيجي الأفريقي - التقرير الاستراتيجي السوداني - تقرير التنمية البشرية - تقارير حالة البيئة في مصر - تقارير عن التنمية في العالم).
5- فولدر فيه مطوية عن كيفية استخدام بنك المعرفة المصري، اللي بيفتحلك كل المواقع العليمة في العالم تحت ايديك واللي مكانتش بتتفتح غير من الجامعة أو بفلوس.
6- كل الفهارس لرسائل الماجستير والدكتوراة في كلية الدراسات الأفريقية العليا، (صفحة الغلاف وقوائم المحتويات في الرسالة). تقلب وتدور فيها على اللي انت عايزه، ودة بيوفر عليك تنزل تقعد في المكتبة بالساعات عشان بس (تدور على عنوان!) دلوقتي هتعرف كل اللي انت عايزه وتنزل المكتبة محدد انت عايز تصور ورق ايه وتبص على ايه. ودة لطلاب الدبلومات والماجستير والدكتوراة في أقسام التاريخ والجغرافيا والسياسة والاقتصاد واللغات الأفريقية والموارد الطبيعية.
والتاتش بتاعهم كمان للناس اللي لسه بتدرس في الكلية، عملوا سكان لكل الامتحانات السابقة للناس الدحيحة اللي بتلحق تخلص المادة وتحل امتحانات دي 😃 ملناش دعوة بيهم.
--
زمان كانت المشكلة اللي بتواجه أي باحث هي (ندرة المعلومات)، دلوقتي المشكلة الأكبر هي (ضخامة حجم المعلومات).
--
جزا الله خيرا كل من عمل على هذا العمل الجبار. واللي بالتأكيد هيخدم ناس كتير وقد يكون طوق نجاه لأي واحد مزنوق في تسليم بحث أو تقرير من الغلابة الأكاديميين والطلبة.
اللينك على جوجل درايف:
أو من خلال الللينك التالي
Click Here
تابعونا علي جروب
www.facebook.com/groups/Way2IELTSTOEFL
www.facebook.com/groups/Way2IELTSTOEFL
مكتبة كلية الدراسات الأفريقية العليا بجامعة القاهرة كامله :)
ردحذفhttps://www.eduegypt.net/2021/03/eduegypt_74.html