الناس اللى لسه ممتحنوش تويفل
أول مهتروحو هناك هتلاقو ورق متعلق كشوف و كده فيها الأسامى و مكان امتحانك هيكون فين هتشوفو انتو ف انهى رووم و تدخلو هيكونو ف نفس الأماكن يعنى متقلقوش مش فكلية تانية
بعد كده بيدخل حد من المراقبين و كده معاه كشف بيمشيه عليكو تمضو و تكتبو بيانات و كده و بيطلب منكو البطاقة و صورة منها و صورة شخصية و ايصال دفع المصاريف بتاعة الامتحان و بعدها ادانا الانسر شيت و البوكليت بتاع الأسئلة
الامتحان 3 اجزاء
أول حاجة كان الليسيننج كانو 50 سؤال متقسمين 3 انواع مالأسئلة
اول نوع اتنين بيتكلمو شورت كونفيرسيشن يعنى و يسألك سؤال بعدها دول كانو 15 جملة تقريبا
تانى نوع اتنين برضه بيتكلمو بس لونج كونفيرسيشن و كل واحدة عليها أكتر من سؤال و دول كانو 20 تقريبا
تالت نوع بتسمعى كلام عن موضوع كبير شوية و بعدها يسألك عليه ال15 الباقيين
تانى حاجة الستراكشر جرامر و قواعد و كده و ده كان جزئين هو 40 جملة
أول 25 جملة بيبقو تشوز عادى قواعد و تصريفات افعال
الباقى بيديكو جملة و حاطط خط تحت 4 كلمات فيها واحدة منهم بتبقى غلط تطلعوها
الجزء التالت كان الريدينج 50 درجة و ده لازم تركزو فيه شوية
5 قطع كبار كل واحدة 10 اسئلة بس حاولو على قد متقدرو تقرو السؤال و تشوفو اجابته عشان تلحقو تحلو و كده
محتاجين درجة معينة ولا انجح بس ؟
ردحذفالتويفل عامة بيحتاج درجة معينة للنجاح , متقلقوش , خيير أن شاء الله , المهم أنكم تتابعو ادارة المنحة فى جامعتكم
ردحذفتابعونا و ان شاء الله أى أخبار مهمة هنشرها على طول على موقع المنحة الرسمى و مدونة طلاب منحة EDUEgypt و أيضا على صفحتنا على الفيسبوك
تابعونا | أنشرونا لكل زملاءكم على الفيسبوك | شيير SHARE
بالتوفيق و النجاح للجميع