خطوات الهجره الي أستراليا خطوه بخطوه - الموضوع الأول

خطوات الهجره الي أستراليا خطوه بخطوه - الموضوع الأول :-

اول نقطة هي ان وزارة الهجرة الاسترالية عندهم موقعهم (border.gov.au ) …. ودا يجب ان يكون مرجعك الاساسي في اي معلومة تتعلق بفكرة الهجرة الي استراليا…. الموقع بيحتوي مئات من انواع الفيزا طبعا وبامكانك تطلع عليهم ….

الموضوع دا هيركز علي نوعين من الفيزا هم (subclass 189 ) و (subclass 190 ) …. وهم فيز اقامة دائمة في استراليا للاشخاص المؤهلين …..

(الفيزتين من مجموعة فيز هي GSM او General skilled migration …. وهي برنامج استرالي لاجتذاب اصحاب المؤهلات والمهارات للهجرة لاستراليا … الفيزتين بيسمحو ليك باقامة دائمة في استراليا بدون شروط … وهم شبيهتين ببعض والاتنين بنظام النقاط … بس الفرق ان الاولي skilled-independent يعني مستقل وبتقدم بصفتك الشخصيه المستقله بدون راعي او شخص ما بأستراليا … والتانية state-nominated يعني هناك راعي احدي ولايات استراليا بشرط ان تعيش فيها لاول سنتين من وصولك ) …

طيب الشروط ايه ؟
هم خمسة شروط اساسية :

1- مهنتك تكون من المهن المطلوبة للعمل في استراليا …. دي ممكن تشوفها في
من خلال اللينك التالي
https://immi.homeaffairs.gov.au/visas/working-in-australia/skill-occupation-list
.
2- عمرك ماتجاوز 50 عاما

3- عندك ايلتس جايب فيه 7 ….. ( 7 في كل باند لازم مش 7 توتال Overall )…. (اي ايلتس كويس سواء جنرال او اكادميك)
وما يعادله اختبار PTE يكون درجه 70 وتقدر تعرف حساب الدرجات من خلال جروسكيلز GrowSkills
www.facebook.com/GrowSkills

4- تقدر تجيب معادلة للشهادة بتاعتك ومؤهلاتك من الجهة المختصة وتسمي Authority فلكل مهنه نقابه / منظمه تقييم مؤهلات خاص بها = في استراليا … ( كل جهة مختصة عندها شروط مختلفة لمعادلة الشهادة )

5- تقدر تجيب 60 نقطة علي الاقل في اختبار المهارات الخاص باستراليا ( حنشرح النقاط دي ونظامها تحت )

( اذا عندك التلاتة شروط الفوق واصل وشوف المتطلبات بعداك )
.
طيب نجي للنقاط …. ايه هي ال60 نقطة المطلوبة وبتجي كيف .

النقاط بتعتمد علي مؤهلاتك وخبراتك العملية وعمرك ومستوي لغتك الانجليزية بالاساس … تعال واحسب …


اول شئ العمر :

18-24 سنة ….. دي بتديك 25 نقطة

25-32 سنة … دي بتديك 30 نقطة

33-39 سنة … دي بتديك 25 نقطة

40-44 سنة … دي بتديك 15 نقطة

45-49 سنة … دي بتديك صفر نقطة

…..

تاني شئ الشهادات والمؤهلات

الدبلوم : بيديك 10 نقاط

البكالريوس : بيديك 15 نقطة

الماجستير : بيديك 15 نقطة

الدكتوراة : بيديك 20 نقطة

( ملحوظة هنا … بياخدو فقط اعلي شهادة عندك في ماسبق لو عندك اكتر من واحدة …. بكالريوس وماجستير لا تساوي 30 بل 15 بس بتاعت الماجستير )

…..

تالت شئ : الخبرة العملية

من صفر حتي سنتين : بتاخد صفر نقطة

من 3 سنة خبرة لي 4 سنة خبرة : بتاخد 5 نقاط

من 5 سنة خبرة لي 7 سنة خبرة : بتاخد 10 نقاط

من 8 سنة خبرة فمافوق : بتاخد 15 نقطة

….

رابع شئ : مستوي اللغة الانجليزية

اول شئ competent level : مامعناه تكون جايب 6 في الايلتس في كل باند (كل باند مش 6 توتال)….. بيديك صفر نقطة

تاني شئ proficient level : مامعناه تكون جايب 7 في الايلتس في كل باند ( برضك الشرط كل باند) … بيديك 10 نقاط

تالت شئ superior level : مامعناه تكون جايب 8 في الايلتس في كل باند ( والشرط زي الفوق برضو) … بيديك 20 نقطة

خامس شئ : عوامل اضافية

اول شئ : اذا عندك partner (زوج/زوجة) … بشرطين اتنين … ان يكون/تكون مهنتو في القائمة الفوق بتاعت المهن المطلوبة وعندو معادلة لشهادتو … وانو يكون عندو ايلتس 6 ….. في تلك الحالة بتاخد 5 نقاط اضافية

ثاني شئ : اذا قدمت للنوع التاني من الفيزا اللي هو 190 بتاع الولاية بتاخد 5 نقاط اضافية من الولاية اللي حترعاك …

….

كده ممكن تجمع عندك كم نقطة براك ….. تميت 60 نقطة وزيادة ؟ ….. لو تميت واصل …. ( الناس العندهم 65 نقطة فمافوق فرصهم دوما اعلي من العندهم 60)

…..

(في نقطة هنا مهمة قبل ماتواصل تتعلق بالاختيار بين 189 و190

189 دي بتقدم براك بدون الحوجة لاي ولاية وممكن تعيش في اي ولاية وتشتغل في البريحك..

190 هي نوع بيزيدك 5 نقاط صاح …. بس في شرط بيربطك بانك لازم تقعد في الولاية الرعتك لمدة سنتين

كيف تلقي رعاية من الولاية ؟

دي ساهلة لانو كل ولاية بتطلب مهن معينة وفي الغالب مجانية الرعاية بس تكمن المشكلة في المنافسة العالية الفيها ….. الولايات الغنية زي (نيوساوث ويلز– سيدني/ فيكتوريا– ملبورن) قد تواجهك بعض الصعوبة في الحصول علي الرعاية من الولايات ديل لانهم مرغوبات وبيشيلو رقم معين من الطلبات … بينما الولايات الاقل تطورا مثلا (تسمانيا– هوبارت) قد تكون فرصك فيها افضل …. لكن قد تكون فرص الشغل اصعب لانها ولاية صغيرة … فلازم تقيم الوضع بنفسك وتختار الافضل ليك علي حسب نقاطك وفرصك .

ادناه دي مواقع الولايات لفيزا 190 وكل ولاية شروطها مختلفة عشان ترعاك والمهن المحتاجاها مختلفة


New South Wales

http://www.business.nsw.gov.au/live-and-work-in-nsw

Northern Territory

http://www.migration.nt.gov.au/

Queensland

http://migration.qld.gov.au/

South Australia

http://www.migration.sa.gov.au/

Tasmania

http://www.migration.tas.gov.au/

Victoria
http://www.liveinvictoria.vic.gov.au/visas-and-immigrating/state-nomination?fbclid=IwAR3XjCRQgxzBv9pNTRYqjNT_JnZ5sxwMPML-eV_QHhhjya6SiPrOnzEb5yU
Western Australia

http://www.migration.wa.gov.au/services/skilled-migration-wa

————————————————————————————

كده مفترض تكون اخدت فكرة عن 190 و189 وقدرت تحدد ايهم افضل ليك (علي ما افترض) …. وكده عرفت عندك كم نقطة والشروط الاساسية

المرحلة التانية

تقدم كيف ؟ ….. اول شئ لازم skill assessment …. واللي هو دا معادلة للشهادة بتاعتك من جهة استرالية معترف بيها ….. لو مشيت لي لستة المهن المرغوبة بتلقي حاجة اسمها assessing authority جمب كل مهنة …. دي الجهة البتقيمك …. اضغط عليها وشوف شروطهم شنو لمعادلة شهادتك وتكاليفهم كم … ( دي مرحلة قد تستغرق من شهر لي 3 اعتمادا علي الجهة البتقيمك … والتكاليف بتختلف من جهة للتانية)

المرحلة التالتة : بعد مايصلك التقييم

(بالنسبة للناس الحتقدم لي 190 في خطوة قبل دي هي انك حتقدم للولاية الحترعاك طلب عشان ترعاك من موقع الولاية الاخترتها – دي حتاخد منك زمن بتاع شهرين لي 3 تاني اضافية … بعد ماتجيك الدعوة من الولاية حتي تواصل هنا )


بعداك …. حتقدم لحاجة اسمها skill select …. هنا (https://www.border.gov.au/Trav/Work/Skil) ….. في حاجة اسمها EOI اللي هي Expression of interest او بالعربي ممكن تكون ابداء اهتمام (حلوة الترجمة دي) …. بتقوم بتملا كل المعلومات فيه السابقة وترفع كل ورقك بعد ماتوثقو ونوع الفيزا العايز تقدم فيها وخلافه وانو عندك كم نقطة وكده … وتسلمو ….. وتنتظر تجيك الدعوة عشان تقدم ( الخطوة دي مجانية) …..

كيف الدعوة بتجي وبتاخد كم ؟ ….. دا نظام كمبيوتر بتاع اختيار افضل الموجودين وكده …. وفي عدد محدود من الدعوات كل شهر (2200 دعوة كل شهر تقريبا) ….. الكمبيوتر بيدي اولوية للناس النقاطهم عالية جدا ( مثلا 75 و70 نقطة ) …. ثم يجي الناس العندهم 65 … ثم العندهم 60 اخر شئ …. / بيحصل شنو لو ماوجهت ليك دعوة ؟ …. هي نظام كمبيوتر ولو ماجاتك المرة دي حتجيك الجاية او البعدها …. لانو في حال التساوي في النقاط الافضلية بتجي للقدم اول ولو قبليه بدقيقة …. ( لو عندك 60 نقطة فقط الزمن المتوقع عشان تجيك دعوة قد يكون اطول شوية) …. لو زدت 5 نقاط بس وبقيت 65 وقدمت تبقي انت في الصف بتاع الانفتيشن قبل بتاع 60 ولو هو مقدم قبليك بي كم شهر …..

لو جاتك الانفتيشن ….. ممكن نقوليك مبروك لانك اتجاوزت كل الصعب والباقي سهل في قصة الفيزا …

المرحلة الاخيرة

هي مرحلة تقديم الفيزا نفسها …. بتعمل حساب علي (https://online.immi.gov.au/lusc/login) …. وتملا الفورمات وتدفع رسوم الفيزا عبر كريدت كارد في موقع الاميغرشن نفسه (اللي هي 3600 دولار لمقدم الطلب الاساسي و1800 دولار لكل زول ملحق معاك) …. ( بعدين نقطة اضافية انت ممكن تصطحب معاك زوجك/زوجتك واطفالك الاقل من 18 سنة بس …. مش اخوانك او والدك او والدتك )…. المرحلة دي تستغرق تقريبا 3 شهور لحدي ماتطلع ليك الفيزا وفيها الفحص الطبي وخلافه …. (الفيزا حتكون الكترونية ماتستلزم منك تمشي سفارة استرالية عشان تختمها في جوازك او خلافه)

سؤال مهم هنا : هل بحتاج استخدم محامي او وكيل هجرة ؟ …… والله الموضوع هو ياهو الفوق دا ومااكتر او اقل …. المحامي بيكلفك قرابة ال5 الف دولار … ( ميزتو بس هو انو بيسهل ليك شوية وبيراجع ليك وبيختصر الزمن … كيف ؟ …. يعني الورق بتاعك لو ورقة واحدة نقصت دا ممكن يمط مدة الانتظار لشهر اضافي … بس انا مابنصح باستخدام محامي في الغالب ….. لو احتجت استفسار الموقع موجود … )

….

بعد مالفيزا تطلع ؟

الفيزا دي بتسمح ليك تشتغل او تدرس او خلافه في استراليا مع اقامة ابدية وتؤهلك في ظرف 4 سنين من الاقامة في استراليا الحصول علي الجنسية والجواز الاسترالي ….

فرص الشغل وفرص الدراسة وخلافه …. دي صعب تكتب لانو مافي ليها قانون زي اجراءات الفيزا الفوق … وكل زول تجربتو قد تحتلف عن الاخر فمافي مقياس ثابت…. بس قد ينصح بانك لمن تجي تستقر في احد المدن الكبيرة (سيدني او ملبورن او بريسبان) لانو ان وجدت صعوبة في ايجاد شغل في مجالك فرصة ايجاد شغل في الاعمال التانية الجانبية احسن في المدن دي خصوصا وانت زول جديد …..

…..

دوما ارجع للموقع بتاع وزارة الهجرة لاي معلومة (الوارد في البوست لو اختلف اي شئ من الموقع صدق الموقع بدون نقاش) ….لو سؤال مالقيتو ورحت يمكن تسأل هنا …. وفي برضو هنا في القروب دا في كوم بتاع خبراء في استراليا قاعدين ممكن يساعدوك …(نحب نحييهم … وهم قاعدين بس انا الوحيد الفاضي اكتب دا كلو… خخخ)

…..

يلا كده انتهينا ….. وانت اذا وصلت هنا اصلا يعني روحك طويلة بمافيه الكفاية عشان تستحمل جرجرة الناس ديل …. وبالتوفيق للكل في مشوار الهجرة دا ….. Good luck
.
تابعونا علي مجموعات الدراسه والتحضير والهجره
* Groups to improve your English and Examinations - www.facebook.com/groups/Engleze
- www.facebook.com/groups/Way2IELTSTOEFL
- www.facebook.com/groups/Way2GREGMAT
- www.facebook.com/groups/PTEAcademicTest
- www.facebook.com/groups/OETPrep
- www.facebook.com/groups/PrepWay
- www.facebook.com/groups/IESOL
- www.facebook.com/GrowSkills
- www.facebook.com/groups/GrowSkills
- www.facebook.com/PTEAcademicEgypt
- www.facebook.com/OETEgypt
- www.facebook.com/EnglezeCom
.
* Groups For Visas , Immigration and Travel
- www.facebook.com/groups/VisaWizard
- www.facebook.com/groups/VisaWizardAustralia
- www.facebook.com/groups/ArabCan
- www.facebook.com/ArabCan
- www.facebook.com/groups/ArabCanada


- www.facebook.com/groups/ArabAustralia
يتم التشغيل بواسطة Blogger.