اختبارات اللغات المطلوبه SEPT للالتحاق بالجامعات الخاصه في مصر والدراسات العليا

اختبارات اللغات المطلوبه SEPT للالتحاق بالجامعات الخاصه في مصر والدراسات العليا

.
وقفنا ف البوست اللي فات عن انك لما بتقدم ف مكان من الاتنين سواء الجامعه الأمريكية او المعهد البريطاني بتعمل امتحان تحديد مستوى .. هنعرف دلوقتي الامتحان عبارة عن ايه🤔
1) AUC TEST ( SEPT ) exam :-
بيبقى متقسم ٣ حاجات أساسية .. هي Listenining , Reading and Writing.


A) listeninig section:
بيبقى ٩ قطع انت بتسمع واحده واحده .. و بعد كل قطعه بتسمع الأسئلة بتاعتها .. و بيبقى مكتوب قدامك ٤ اجابات بتختار واحده منهم .. ركز ف اول ٦ قطع عشان دول اي حد يقدر يجاوبهم .. بعد كده ربنا معاك 😂
B) Reading section:
٩ قطع بردو متدرجين ف الصعوبة .. و بردو الأسئلة كلها MCQ.
C) Writing section:
بتكتب ف ٣ مواضيع .. الاول بيبقى حاجة صغيرة كده زي مثلا صورة و انت هتوصفها ف ٥٠ كلمه.
التاني بيبقى ايميل او خطاب و انت بترد عليه .. ف حوالي ١٥٠ كلمه.
التالت بيبقى موضوع تعبير .. غالبا بيجيبلك حاجة الناس مختلفه فيها و بيطلب رأيك .. ده ف اكتر من ٢٠٠ كلمه.

2) British Counsil Test:-
شبيه باللي فوق بس هنزود عليه حاجة مهمة جدا و هي ال conversation skill ..و اللي بتكون من خلال انترفيو مدته حوالي ربع ساعه.

طيب انا مش معايا ادفع فلوس كتير كده .. خلاص مش هعرف اتكلم انجليزي ؟😶
طبعا هتعرف .. فيه اكتر من مكان تاني بتقدر فيهم تتعلم انجليزي من الصفر .. من اكتر الأماكن اجماعا من الناس عليه هو كورس عبد الله عامر .. ف المركز الثقافي الروسي ف الدقي .. الليفيل هناك ب ٦٠٠ جنيه .. و بيتشرح كل حاجة بداية من ال basics .. على عكس المكانين اللي فوق اللي بينموا مهارتك مش بيعلموك من الصفر.

كده نبقى خلصنا التوبيك دي .. و طبعا لأنها اوسع من انها تتغطى ف كام بوست .. ف لو حد عنده اي استفسار ف اي حاجة يكلمنا على رسايل الصفحة😉

نتمنى تكونوا استفدتوا واستنونا ف التوبيك الجاى .. بالتوفيق يا وحوش 😍
.
.
تابعوا اهم ال Groups وهتلاقو كل الكتب والمصادر عليها
يتم التشغيل بواسطة Blogger.