كيفيه تحصيل الأموال من خلال PayPal وربط الحساب وتحويل الأموال

لكل الي بيسألو عن موضوع مهم ازاي يحصلو فلوس من عملاءهم او دفع فواتير من خلال وسيط مالي PayPal :)

بص الخطوات كالتالي :-
1- هتسجل في الموقع الرسمي https://www.paypal.com/
2- هتعمل حساب في البريد المصري افضل لانه مش بياخد رسوم علي اي معاملات زي البنوك
3- هتتوجه لمكتب بريد رئيسي مثلا الي في ميدان الجيزه " معلش هتتعب شويه في طوابير "
4- ** بلاش فيزا بنوك ** لو طلعت فيزا بنك وربطها بحساب الPayPal هيقولك استخدمها مشتريات هتقولهم انا عاوز الفلوس بتاعتي كاش في ايدي هيقولك هنخصم 10% من المبلغ
5- علشان تطلع فيزا البريد المصري اسمها EasyPay هتدفع 20 جنيه رسوم اصدار فيزا وحط علي طول 100 جنيه رصيد وانت واقف في نفس اليوم علي طووول
6- هتروح البيت هتستني 24 ساعه لحد اما الفيزا تتفتح وتفعلها من رقم البريد المصري اتصل بيهم ( 0235315900 )
7- بعد تفعل الفيزا .. هتدخل علي حسابك في الـ PayPal وتدوس علي Link Card دخل بيانات الفيزا هيسحبو مبلغ بسيط منك لتاكيد الربط وهيرجعلك ثاني
8- بكده تم تفعيل حسابك علي PayPal
9- تقدر تقدم كل خدماتك وشغلك وكل تعاملاتك والناس تدفعلك عن طريق وسيط مالي PayPal
10- يعني مثلا انا عجبني خدمه او منتج بتقدمه وعاوز الخدمه او المنتج ده ، وانت بتقولي ادفع تقوم تعمل فاتوره علي paypal للعميل ، يدخل العميل علي لينك الفاتوره اونلاين يدخل بيانات الفيزا وبكده يبقي دفعلك
11- الPayPal للثقه لانه وسيط مالي كبيير في العالم بيجمد الفلوس لشهر مثلا لا قدر الله ان واحد عامل الموضوع ده للنصب بالعملاء بيشتكو تقوم PayPal ترجعلهم فلوسهم
** اما لو انت بتقدم منتجات او خدمات مضمونه وكويسه بال PayPal بيتعامل معاك علي طول وبيحصلك فلوسك
12- طيب انا كويس وواحد دفعلي فلوس هتستملها بعد شهر من رصيدك الي في PayPal تمام وبعد الشهر استلم ازاي
13- فاكر فيزا البريد المصري Easy Pay الي اتقبلت في حسابك PayPal هتروح عليها وتدخل علي رصيدك وتقوله Withdraw my balance to Credit Card
وبكده الفلوس اتحولت للفيزا بتاعتك من اي ماكينه اي بنك تروح تسحبهم وبيخصم بس 5 جنيه
بالتوفيق للجميع :) :)





هناك 4 تعليقات:

  1. انا اشتريتها بس ومفعلتهاش لسه ��

    ردحذف
    الردود
    1. لاه كويسه الصراحه فعلتها وممتازه

      حذف
  2. وسوال كمان معلش 5$ ضرايب بيتسحبو من 48$ ولا هيتسحبو من رصيدي تاني

    ردحذف
    الردود
    1. اه 5% عموله انت ضفها كمبلغ اجمالي علي المسحوبات بشكل عام يعني مثلا ضيف علي عملاءك كل واحد مثلا 20 جنيه عموله تحويل مع مثلا 10 عملاء تبقي كويسه ومعقوله مع سحبك ... 5$ مش ضرايب ده عموله PayPal زي كده 2% بتاعت Vodafone Cash .. ايا كان المبلغ الي ليك وهتسحبه هوه بياخذ 5$ ..

      حذف

يتم التشغيل بواسطة Blogger.