كيفية اعداد سيرة ذاتية CV بشكل فعال وكفء ؟


في ناس كتير بتكون عايزة تشتغل بس معندهاش CV ومتعرفش بيتعمل ازاي :)
فانا هشرح في البوست ده ازاي تعمل CV بسيط كبداية تقدر تقدم بيه لحد ما تكون وصلت لمستوى كويس وتقدر تعمل حاجة احسن ومناسبة ليك اكتر.

- هتدخل على اللينك ده http://goo.gl/NkI9qk
هتلاقي فيه مجموعة Templates يعني نماذج لـCV ناس عملاه قبل كده وعلشان تعمل زيه
هتختار اللي شكله يعجبك او اللي تلاقيه مناسب ليك اكتر وتحمله وتعدل عليه او تشوف فكرته وتنفذها بنفسك :) 
وفي حاجة كتير زي اللي هو بيكون عبارة عن كلام بس بدون اي تنسيق او اشكال وفي اللي بيكون فيه صور ورسومات والوان ومنسق ومدي شكل وفيه اللي بيكون فيه افكار وابداع
وفي حاجات كتير وتقدر تدور على جوجل وتجيب حاجات تانية
بس اللينك ده فيه مجموعة حلوة علشان اللي مش هيعرف يدور.



- بعد ما تحمل التمبلت او تشوف الفكرة اللي على اساسها هتبتدي تبني الـCV بتاعك هتبتدي تكتب شوية بيانات عن نفسك، زي مثلا: الاسم "ثلاثي او رباعي"، محل الاقامة، تاريخ ومحل الميلاد، المؤهل، الشهادات، المواهب والخبرات.

- هتبتدي تكتب عن المجال اللي انت عايز تشتغل فيه او اللي انت شغال فيه بالفعل واللي عندك فيه خبرة 
هتكتب المجال نفسه او الـPosition "المسمى الوظيفي يعني" وخبرتك في المجال ده، يعني بقالك قد ايه متابعه وبتتعلم فيه وهكذا، ولو اشتغلت في اماكن او فري لانسر اكتب برضو الكلام ده
وليه انت اخترت المجال ده بالذات.

- هتحط شوية امثلة من حاجات انت عملتها قبل كده في المجال ده سواء صور او لينكات او ايا كان
المهم حاجة توضح انك فعلا عملت حاجة قبل كده او جربت وهكذا علشان اللي بيشوف الـCV يقدر يعرف مستواك ويشوف شغلك.

وفي الاخر ممكن تكتب شوية حاجات زي انك شايف نفسك ممكن تحقق حاجة في المجال ده لانك عندك شغف بيه وعندك استعداد تفضل تتعلم وتشتغل من غير ما تزهق
.
وشوية كلام بيعبر ويوضح انك فعلا حابب المجال ده جدا وعندك طاقة هائلة تقدر تخصصها للشغل ده.
وبكده تكون عملت CV كويس "بالنسبة للناس اللي معملتش CV قبل كده" وتقدر تبعته لاي شركة وطبعا على حسب خبرتك ومستواك في المجال اللي انت هتقدم فيه.

ووانت بتبعت الـCV بتاعك لاي شركة اكتب في الميل انك متابع الشركة دي ومعجب بشغلهم وبطريقتهم وحابب انك تكون جزء منها وانك هتقدر تضيف كتير بوجودك معاهم لانك حابب شغلك وحابب المكان وده هيساعدك على زيادة الانتاج
.
"وطبعا لازم تكون فعلا دخلت على موقع الشركة وجمعت شوية معلومات عنها وشفت شغلها علشان تكون عارف انت بتقول ايه وبتتكلم ازاي".
.
مهم جدا اشتراكك بموقع لينكد ان وهي شبكة أعمال وتوظيف وشركات للمحترفين وأصحاب الخبرات والكفاءات :) 
.
.
دة جروب للتوظيف تقدر تدخل وتسجل وتشارك الوظائف الجديدة للطلاب والخريجين 
.
.

هناك تعليقان (2):

  1. شكرا جزيى فعلا الموقع كويس جدا وفية معلومات كويسة عن ال CV Format ياريت نعرف النصائح الخاصة بمقابلات شركات الاتصالات بشكل عام واسئلة الانترفيو الخاصة بالبنوك

    ردحذف
    الردود
    1. First Test 4-4
      Second Test 17-4
      Third Test 4-5
      Personal Interview 5-5
      Technical interview 19-5
      Medical letter 29/5
      Signature ����23/6

      دة بشكل عام خطوات التقديم على اختبارات القبول الوظيفى بالبنك الأهلى المصرى

      بالتوفيق للجميع وشكرا للموقع والمعلومات المفيدة :) :)

      حذف

يتم التشغيل بواسطة Blogger.