ازيكم يا جماعة؟؟
اتمنى يكون الكل بخير
بما ان فى منكم كتير مش راح الندوة امبارح
فحبيت اوضح كل حاجة بخصوص المنحة ده
اولا المنحة لكل طلبة سنة تانية سواء ارشاد او سياحة او فنادق
ده غير انها متاحة لكليات تانية برضو مش سياحة بس
يعنى اللى كانوا حاضرين امبارح فى الندوة كانوا من سياحة واداب اثار وتجارة انتظام
ثانيا المنحة دى مش انجلش بس
لا دى فيها كمان دورات فى الكمبيوتر والاوفيس وحاجات تانية كتير قوى ومدتها 4 سنين
وبتكمل معانا حتى بعد لما نخلص دراسة
ثالثا الهدف من المنحة دى انها تأهلنا علشان نكون قادرين على العمل فى الـ PBO
ممكن تعملوا عنها سيرش علشان تعرفوا كل حاجة بالتفصيل
بس باختصار هى الشركات الاجنبية اللى بتعمل او بتكمل البيزنس بتاعها فى دول تانية
(يعنى بتفتح فروع لشركاتها فى دول تانية)
طبعا بيبقى الهدف من كدة انها توفر تكلفة الانتاج وفى نفس الوقت بتفيد البلد اللى اختارتها
لانها بتحسن الاقتصاد فيها وبتمدها بخبرتها اكيد علشان تكون قادرة على العمل فى نفس
المجال
المهم ان فى ترتيب الدول اللى بيتم اختيارها للـ PBO
الصين طبعا محتلة المركز الاول بينما مصر فى المركز الـ 12 والحمد لله
ههههههههههههههههه
بس بعد منحة EduEgypt مصر دلوقتى بقيت فى المركز الـ 6 يعنى اتقدمت 6 مراكز مرة
واحدة
ايه هو بقى السبب؟؟
السبب ان المنحة دى بتزودنا بكل المتطلبات المطلوبة فى سوق العمل ده (PBO) وبتخلينا
قادرين على العمل فيه باحتراف وده غير انه بيبقى فى مقابل ساليرى خياااااااااااااالى
طيب الدولة بتستفيد ايه بعد لما تدربنا وتأهلنا مجانا وتصرف علينا اكتر من 35 الف جنية للفرد
الواحد زى مقالوا امبارح فى الندوة؟؟
الهدف زى مقولت ان ده بيساعد على تحسين اقتصاد البلد وبيخليها مطلوبة فى سوق
العمل وبيحطها فى مراكز متقدمة للترشيح
طيب ايه علاقة المنحة والكورسات دى كلها بالمجال اللى بندرس فيه؟؟
بعد المنحة دى (للى هياخدها بس طبعا) هنكون قادرين اننا نشتغل فى المجال اللى قولت
عليه
لكن لو مش حابين نشتغل فيه عادى جدا هنشتغل بالشهادات بتاعتنا
وبرضو المنحة دى هتفيدنا فيه كتير
يعنى بالنسبة لارشاد مثلا هنستفيد كتيييييييييييير من كورس الانجلش والـ
Communication Skills
وبالنسبة لسياحة وفنادق برضو هيستفيدوا من الانجلش وباقى الكورسات لانها هتبقى فى
الكمبيوتر وكلها مطلوبة بالنسبالهم طبعا
يعنى المنحة دى مهمة ومفيدة بكل المقاييس
رابعا المفروض ان كل اللى اتقدم للمنحة دى او هما اتصلوا بيه يكون حضر امبارح
لان عدم الحضور يعتبر بمثابة تنازل عنها
خامسا المفروض ان اللى حضر يكون سجل اسمه تانى معاهم واخدوا منه رقم الموبايل
والايميل
وهو بياخد الباركود بتاعه وميعاد الامتحان (امتحان تحديد مستوى)
والامتحان هيكون فى محطة مصر فى مبنى البريد الدور العاشر ان شاء الله
بالنسبة للامتحان ده بقى فهو مكون من 3 اجزاء
الجزء الاول انجلش وبيشمل الجرامر والفوكاب ده غير انه اخبار للـ Spoken Language و الـ
Listening اكيد
الجزء التانى IT وهتبقى اسئلة عامة عن الكمبيوتر وبرامج الاوفيس
الجزء التالت والاخير هيبقى IQ وبما اننا طبعا معدل ذكاءنا عالى جداااااااااااااااا وعندنا سرعة
فائقة فى اننا نلقطها وهى طايرة هههههههههههههههههههه
فالحكاية دى كلهااااااااااااااا انا شيفاها مجرد وهم
وزى ماقولت قبل كدة ان حتى الامتحان ده لو كان عادى خالص وفى مستوانا كلنا
ففرصتنا فيه قليلة جدااااااااااا لان مش كلنا طبعا هنتقبل
الامتحان ده هو اللى هيصفى الاعداد الكبيرة قوى اللى كانت موجودة امبارح وهيخدوا منه
عدد صغير جدا
وزى ماقولتلكم قبل كدة دول كانوا اخدين من القاهرة كلها 300 طالب بس
امال من اسكندرية هياخدوا كام؟؟!!
وبرضو انا مش بقول كدة علشان احبطكم ولا حاجة
ده مجرد رأيى مش اكتر
وانا بقول كدة علشان كلنا نستعد للاختبار ده كويس
لانها زى ماشوفتوا فرصة بجد مش ممكن تتعوض ابدا
وربنا يوفقنا جميعا ان شاء الله
تابعونا
http://eduegypt2008.blogspot.com/
بالنجاح و التوفيق
ليست هناك تعليقات:
إرسال تعليق