امتحانات المنحة كانت نظامها اية !!شارك

السلام عليكم و رحمة الله و بركاتة , تحية طيبة لجميع طلاب المنحة


نظرا لكثرة الاستفسارات لكل طلاب المنحة عن نظام الامتحانات و شكلها و اية هية تجربة طلاب المنحة فى الامتحانات , لذلك وضعنا موضوع نقاش لجميع طلاب المنحة حتى يتمكن أكبر عدد من طلاب منحة (أديو ايجيبت ) من الاستفادة من خبرات طلاب المنحة الى خاضو تجربة امتحانات المنحة , شاركنا بتعليقك عن نظام الامتحانات و اية هية تجربتك فى الامتحانات...


بالنسبة للامتحان ...
دة تجربة الطالب مصطفى الى كان اول واحد يشاركنا
دة كلامة اقتبسناة ليكم علشان تعرفو تجربتة فى الامتحان

__________________________________________________
(المواصلات كانت محدودة جدًا و اتأخروا على ماطلعوا من الجامعة
وناس كتير راحت على الجامعة على اساس تلاقى باصات وفى الاآخر قرروا انهم يروحوا بمواصلات
خلينا فى الامتحان
بتدخلوا اللاب وكل واحد بيقعد على جهاز مخصص ليه بيبقى عليه اسمه وبيبتدى الامتحان وترتيب الاسئلة بيختلف من جهاز للتانى بمعنى انه لو جالك أسئلة الاى كيو اللى جنبك هيكون جايله سؤال تسجيل او قطعة مثلاً علشان محدش ينشغل باللى جنبه بس
حاولوا يكون معاكوا ورقة وقلم لان فى أسئلة وتحديدًا فى الرياضيات والاى كيو هتحتاج انكم تكتبوا
معظم أسئلة الرياضة كانت عن النسبة وايجاد المتوسط الحسابى
فى أسئلة تانية عن قواعد اللغة الانجليزية بانك تختار الجمل الاصح لغويًا
وفى أسئلة بتاعة ميلودى تريكس اللى هى طلعلى الصورة المختلفة والمستطيل ده فى كام مربع وكده الاى كيو كان متوسط مكانش مبالغ فيه زى ماغلبكم شاف فى مواقع الاختبارات بتاعة الاى كيو
فى جزئية التسجيل
هما سؤالين
سؤال هيجبلك تلات صور وتختار منهم صورة تتكلم عنها لمده دقيقتين ليك فرصة انك تعيدج التسجيل مرتين وبس علشان كده لازم ترتبوا افكاركم كويس قبل ماتبدأوا وتتكلموا بصوت واضح وعالى
السؤال الثانى هيجبلك خمس مواضيع وتختار تتكلم عن واحد فيهم لمدة دقيقتين برده او تلاتة
زى مثلا افضل برنامج تلفزيونى او ايه هى مميزاتك وهكذا
فى أسئلة عن النت
هيجبلك صفحة نت وهيخليك تمشى بخطوات وتجبله معلومات من الصفحة
فيه جزء هيمليك ايميل وباسورد ويقولك هاتلى رقم تاكيدى وده هيطلعلك لما تنفذ الخطوات صح
وفى جزء تانى هيطلب منحك معلومات مثلا عن الرحلات السياحية وتقوله ايه هى المميزات فى الرحلة دى وعدد الاشخاص المتاح لو ملقتهاش فى الصفحة الاساسية دوس على مور انفورماشن علشان يجبلك معلومات اكتر عن الرحلة
وفيه الاى سى دى ال ورد واكسل وللأسف هيبقى على مايكروسوفت 2007 فحاولوا تركزوا وتاخدوا بالكم ان فيه وقت
وكل ماتخلص مرحلة خد عدد الثوانى المتاح ليك لحد ماتبدأ المرحلة التانية كاملة ماتدخلش فى المرحلة اللى بعديها على طول علشان ترتب افكارك وتركز)

لا كل الشغل بيبقى على الكومبيوتر
هى الورقة بس علشان ترتيب الافكار والمسائل الرياضية
انا مكنتش عامل حسابى واضطريت اكتب على ورقة الاى دى بتاعه المعهد
فبقولكم علشان تكونوا مستعدين

ونسيت اقولكم طبعا على اختبار التايبينج
وتخلوا بالكم من الحروف الكابيتال ولسمال وعلامات الترقيم لان الحاجات دى بتتحاسب عليها..
و انت اية رأيك فى نظام الامتحانات و هل واجهت صعوبة فى التعامل مع هذة النوعية من الامتحان ؟؟ شاركنا بتعليق فى المربع فى الأسفل

هناك 10 تعليقات:

  1. طب معلش بس يا جماعه انامعنديش فكره عن الاى سى دى ال خالص ممكن حد يقولى ايه الاوفيس 2007 ده

    ردحذف
  2. وياجماعة بخصوص الاى سى دى ال عاوز اقولكم ان انا روحت ولا ألإقه اى شىء غير بس انى قريت كام سؤال كده مشهورين عن كل برنامج زى الورد مثلا والاكسل والاسئلة مبتخرجش عنهم

    فمتضيعوش وقتكم انكم تدوروا على شرح اى سى دى ال ادخلوا على الاسئلة على طول وطبقوها ده اسرع وتأثيره أفضل

    ردحذف
  3. حاجة كمان سيئة فى الامتحان وحاولوا تأقلموا نفسكوا عليها علشان متعملوش زيى
    طبعا انا قلتلكم ان الاسئلة فى ترتيبها بيختلف من جهاز للتانى
    فكنت انا مثلا شغال استماع وواحد جنبى عمال بيتكلم عن الموضوع اللى هما طلبوه منهم
    طبعًا مكنتش عارف اركز خالص خصوصا وانهم لازم يتكلموا بصوت عالى علشان الصوت يطلع
    فحاولوا تركزوا ومتشتتوش نفسكوا باللى حواليكوا

    ردحذف
  4. شكرا يا ايمان علي المجهود الرائع
    ان ما فيش حاجة جديدة وعاوز اطمنكم مش هتفرق 2003 من 2007 لان الفرق انا شايفة بسيط

    ردحذف
  5. THANKS U VERY MUCH MR MOSTAFA
    I HAVE ANTHOTER QU sorry ;)
    eh el topics el gatlak tekteb fihaaaaaaaa :)
    thank u
    and don 't forget to pray for us fel fager

    ردحذف
  6. انا كمان امتحنت النهارده بجد يا جماعه اوعوا تستهونوا بالامتحان ده
    وخلوا بالكم فعلا من الوقت
    ولو وقف ادمك سؤال شوف الي بعده لان كل الاسئله بوقت وابقي ارجع ليه تاني المهم تركز وانت بتحل لان كل سؤال زمن اجابته دقيقه ولو
    وقت السؤال خلص بيجيب الي بعده غصب عنك
    وبالنسبه للبرجراف هو المواضيع بتاعته كويسه
    بس لازم تكون بتكتب بسرعه علي الكيبورد لانهم طالبين انك تكتب 150 كلمه
    وخلوا بالكم من كل النصايح الي اتقالت في باقي الصفحات
    ربنا معاكم

    ردحذف
  7. امتحنت و ياريتنى ما امتحنت بجد امتحان مش تعجيزى ده معمول بطريقة مملة
    و اللى يعيظ الكلام اللى حوالين الامتحان اولا داخلين الساعه 2 مش 1
    و التكييف مش شغال
    و اللى واقفة معانا ف اللاب قالتلنا اللى مش هيخلص 4 و نص هنقفل الكمبيوتر علية

    تخيل لما ده كله بجانب الحر و الزحمة
    و كمان الامتحان اللى مبيتحلش ده
    جايبين ارقام كبيرة و طالبين نسب مؤوية
    و اسئلة الذكاء مالهاش لزمة
    بجد و الله ياريتنى ما رحت

    ردحذف
  8. مع احترامى لكل الى اتكلمو يا جماعة الامتحانات كلها صعبة جدا جدا و عملة كأنها امتحانات تعجيييز فعلا

    ربنا يستر

    بالتوفيق

    ردحذف
  9. النتيجة امتي متي؟؟؟؟؟؟؟؟؟؟ ارجوكم

    ردحذف
  10. ان شاء الله يا جماعة على أول شهر 10 باذن الله , و ادارة المنحة هتبلغ مختلف الجامعات و الطلاب

    تابعونا

    ردحذف

يتم التشغيل بواسطة Blogger.