اختبارات تحديد المستوى ( انترفيو )

تحية طيبة لطلاب المنحة EDUEgypt,,,,
تهنئة لجميع الطلاب بالمنحة ( طلاب سنة ثانية ) نظرا لكثرة الأسئلة حول الاختبارات تحديد المستوى اليكم انواع هذة الاختبارات وكيفية الاستعداد اليها علما بأن كل الطلاب المكتوبين فى الكشوفات ولقو اسمائهم معنى ذلك انهم فى منحة EDUEgypt ,,,,,

اختبارات الانتر فيو ( تحديد المستوى ) هتبقى بالانجلش  وفية امتحانات اورال 

متقلقوش من الامتحانات الامتحانات دة هدفها فقط ان ادارة المنحة تقسم الطلاب حسب مستوياتها ,,,,

يعنى مجموعة من الطلاب فى (level 1 ) 
مجموعة تانية فى ( level 2 , 6,7,4 ... وهكذاا)

اهم حاجة فى الامتحانات دة تجاوب على الى انت عارفة فقط ,,,, متخترعش ,,,

وهمة فى ادارة المنحة فى الكليات والجامعات هيعرفوكم على الامتحان متقلقووووش خااالص من الامتحانات ,,,,

الى عاوز يجهز نفسة فى للامتحان يدخل على مواقع للغة الانجليزية ويدرب نفسة ,,, امتحان اللغة الانجليزية احتمال كبير جدا جدا يبقى شفوى مع شخص ويتكلم معاك ديالوج ويسألك وانت تجاوب وبيقيم مستواك فى اللغة الانجليزية 

تابعونا على موقع طلاب المنحة 
www.eduegypt.tk
http://eduegypt2008.blogspot.com

نتمنى لجميع الطلاب النجاح والتوفيق 
EDUEgypt Administration



هناك 18 تعليقًا:

  1. يعنى مفيش تصفية؟؟؟؟؟؟؟؟؟؟

    ردحذف
  2. اعتقد ان التصفية دة للطلاب الى مش هتحضر الامتحانات

    ردحذف
  3. هو الامتحان عباره عن ايه يعني مثلا قدملي نفسك ؟ وهكذا والا هتبقي معلومات عامه ؟؟؟؟؟؟؟؟؟؟؟؟

    ردحذف
  4. هيبقى كلة بالانجلش ( ديالووج)

    ردحذف
  5. يعنى مفيش تصفية الحمد لله

    ردحذف
  6. طب معلش يعني ايه اجاوب علي اللي انا عارفه ومخترعش ؟ يعني ايه نوع الاسئله اللي فيها احتمال اني اخترع

    ردحذف
  7. بالنسبة لطلاب جامعة عين شمس كيلية تجارة

    الانترفيو هيكون فيييين ؟!!

    ردحذف
  8. طيب احنا هنبتدي في المنحه في الاجازه ولا مع بداية الدراسه الترم الجاي ان شاء الله؟؟

    ردحذف
  9. الدراسة يا جماعة فى الأجازة

    Summer training will start at 4thof July

    ردحذف
  10. الدراسة يا جماعة فى الأجازة

    Summer training will start at 4thof July

    da sana talta w rab3a

    ردحذف
  11. الى جميع طلاب الفرقة الثانية بجامعة القاهرة بالنسبة لامتحان المقابلة سيكون عبارة عن بعض الأسئلة الشفوى متدرجة الصعوبة بغرض تحديد مستوى الطالب فى اللغة من المستوى الأول وحتى التاسع طبقا لاجابة الطالب ويستغرق الامتحان من 10 الى 15 دقيقة حسب اجابة الطالب والأسئلة عامة فى اى شىء وسيوضع هذا الامتحان فى الاعتبار مع الامتحان ...الماضى لاختيار الطلاب و الاعداد المناسبة للمشروع وشكرا
    مدير المشروع جامعة القاهرة

    ردحذف
  12. طب بالنسبة لسنة تانية جامعة حلوان
    كلية سياحة وفنادق ايه نظام الانترفيو

    ردحذف
  13. ياجماعة الانترفيو بيبقى كلام عام جدًا
    بيخليك تعرف نفسك وبتدرس ايه
    عايز تطلع ايه ، ايه هى احلامك حاجات سهلة يعنى المهم انك متتوترش وتخليك هادىء واتمرنوا انكوا تعبروا عن نفسكم بالانجليش

    ردحذف
  14. النتيجة لطلاب الفرق الثانية بجميع الجامعات المصرية النتيجة ستظهر بعد انتهاء امتحانات جميع الجامعات المشتركة فى المشروع على مستوى مصر وبالنسبة لامتحان الانترفيو هو فقط لتحديد المستوى الذى ستدرس علية السنة القادمة وفى نفس الوقت هو لاخذ عدد معين من الطلبة حسب الترتيب ...اذا زاد العدد عن الحد المطلوب وشكراتابعونا على الصفحة الرسمية للمنحة على الفيسبوك

    نرجو من جميع طلاب المنحة فى جميع المحافظات و الجامعات المصرية نشر صفحة المنحة EDUEgypt
    الرسمية لجميع أصدقائهم الى بالمنحة وذلك كما أنتم تعرفون أن الفيسبووك أداة مميزة للتواصل مع جميع الطلاب فى جميع المحافظات ,,,

    أنشرها لمساعدت زملاءك فى المنحة

    ردحذف
  15. لو سامحتوا يعني هيكلمونا عن الاحداث المعاصره ولا ايه بالظبط والله الواحد ماعتش عارف حاجه خالص وربنا يسترها معانا ويوفقنا ان شاء الله والموضوع دي يعدي علي خير

    ردحذف
  16. طيب بالنسبة لخريجى اداب اسيوط السنة دى اية نظامهم

    ردحذف
  17. يا جماعة لو سمحتوا انا عملت اختبار تحديد مستوى وقالولى المرة الجايه عندك انترفيو عايزه اعرف نوعية الاسئله لو سمحتوا

    ردحذف

يتم التشغيل بواسطة Blogger.