رابطة طلاب أداب حلوان

هناك تعليق واحد:

  1. بسم الله الرحمن الرحيم

    السلام عليكم ورحمة الله وبركاته

    إعلان هام لطلاب الفرقة الثانية جامعة حلوان
    بالأخص كليات (الأداب - التربية - التجارة - السياحة والفنادق )

    منحة edu egypt لإعداد الخريجين لسوق العمل

    الموضوع مهم يا جماعة ركزوا معايا

    إن شاء الله المنحة السنه دي هتاخد طلاب الفرقة الثانية في الكليات المذكورة ومعرفش في كليات تانية ولا لأ
    المهم
    بالنسبة لطلاب كلية الأداب هتلاقوا كشوفات متعلقة عند مدرج 17 ط فيها الأسماء والسيريال نمبر ومواعيد أداء الأختبارات للقبول بهذه المنحة

    بالنسبة لطلاب كلية التربية هتلاقوا كشوفات متعلقة عند مدرج 9 فيها الأسماء والسيريال نمبر مواعيد أداء الأختبارات للقبول بهذه المنحة

    بالنسبة لطلاب كلية التجارة مش متوفر عندنا معلومات عن مكان الكشوفات لذلك توجهوا لمبنى (و) بجوار إدارة الجامعة
    وأسألوا هناك أكيد هتلاقوا اللي يجاوبكم بإذن الله

    بالنسبة لطلاب باقي الكليات نرجو التوجه إلى مبنى (و) المجاور لإدارة الجامعة والسؤال إن كان يتم قبولهم ولا لأ

    بالنسبة لمكان أداء الأختبارات بيكون في معهد نظم ومعلومات القوات المسلحة بشارع أحمد تيسير أمام سينما طيبة
    متقلقوش لما هتعرفوا مواعيد الأختبارات هتيجي أتوبيسات تاخدكم قبل المعاد بساعتين من قدام بوابة الجامعة

    يالا بقى حد يسألني الأختبارات دي بتبقى أيه
    هقوله أكيد مش نط حواجز يعني

    الأختبارت اللي أنا دخلتها لما قبلت فيها (لأني طالب بالفرقة التالتة)
    كانت عبارة عن أختبارات iq + it + قياس مستوى في الأنجلش

    التفصيل

    IQ
    أختبارات ذكاء


    IT
    أختبار في الكميبوتر والأوفيس وكده

    الأنجلش طبعاً مفهوم

    طيب اللي هينجح هيبدأ أمتى وأيه بالظبط ؟

    أقولك اللي هينجح هياخد 4 Levels من شركة Berlitz في اللغة الإنجليزية
    في سنه تالته إن شاء الله
    وفي سنه رابعة هيكمل مع الـ ITI كمبيوتر بقى وشغل كبار مش هعرف أوصة لأني لسه مخدتوش

    من كلامي ده معناه أنكوا هتمتحنوا السنه دي وهتبدأوا السنه الجاية

    بجد يا جماعة محدش يضيع الفرصة من أيده لأنهم السنه دي واخدين كل دفعة تانية بأي تقدير وحتى لو شايل مواد مع أني لما دخلتها الدفعة اللي قبلكوا كان لازم تبقى طالع صافي وعلى الأقل جايب جيد
    والناس اللي في الكيات التانية تروح تسأل يمكن يكون ليهم
    بس أنا مش عارف لأن حالياً أنا باخد الأنجلش تبع المنحة دي ومعايا كليات تربية وتجارة
    فمش عارف المرة دي هيقبلوا كليات تانية ولا لأ

    ردحذف

يتم التشغيل بواسطة Blogger.